XITIYISISO EKA TIMFANELO TA VADYUHARHI
NTSHUNXEKO
Vadyuharhi va fanele va kuma swakudya swo ringanela, mati, vutumbelo, swiambalo na nhlayiseko wa rihanyo hi ku tirhisa muholo, nseketelo wa ndyangu na muganga no tipfuna.
Vadyuharhi va fanele ku va na nkateko wo tirha kumbe ku fikelela swivandla swin'wana swo tiendlela mali.
Vadyuharhi va fanele ku kota ku nghenelela eku boheni nkarhi na endlelo ro tshika ku tirha.
Vadyuharhi va fanele ku kuma dyondzo leyi faneleke na minongonoko yo letela.
Vadyuharhi va fanele ku tshama ekaya hilaha swi faneleke ha kona.
KU TIENERISA
Vadyuharhi va fanele ku kota ku nghenelela eka swivandla swo fikelela nhluvukiso wa vuswikoti bya vona.
Vadyuharhi va fanele ku fikelela dyondzo, mfuwo, switirhisiwa swa ximoya na swa vuhangasi swa muganga.
KU NGHENELELA
Vadyuharhi va fanele va tshama va ri xiphemu xa muganga, va nghenelela hinkhinkhi eku tumbuluxiweni no simekiwa ka tipholisi lei khumbhaka vunene bya vona no avelana vutivi na vuswikoti na rixaka ra vantshwa.
Vadyuharhi va fanele ku lava no tumbuluxa swivandla swa vukorhokeri emugangeni no tirha tanihi lava tinyiketeleke eka swivandla leswi faneleke eka ku tsakela ka vona na vuswikoti.
XICHAVO
Vadyuharhi va fanele ku kota ku hanya hi ndlela ya xichavo na nhlayiseko no tshunxeka eka nxaniseko wo tlanga hi vona, wa le mirini na wa miehleketo.
Vadyuharhi va fanele ku khomiwa kahle ku nga langutisiwi vukhale, rimbewu, rixaka kumbe matimu ya vulamari kumbe swiyimo swin'wana, no tekeriwa enhlokweni ku nga langutisiwi ku nghenisa xandla ka vona eka ikhonomi.
Vadyuharhi va fanele ku vuyeriwa kusuka eka nhlayiso wa ndyangu na wa muganga na nsirhelelo ku ya hi endlelo rihi na rihi ra muganga ra minkoka ya mimfuwo.
Vadyuharhi va fanele ku fikelela nhlayiso wa rihanyo ku va pfuna ku hlayisa kumbe ku tlhela va fikelela xiyimo xo tiyelela emirini, emiehleketweni na vunene bya ku vutitwi no sivela kumbe ku hlwerisa masungulo ya vuvabyi.
Vadyuharhi va fanele ku fikelela vukorhokeri bya muganga na bya xinawu ku antswisa ku tifuma no mbango lowu hlayisekeke.
Vadyuharhi va fanele ku kota ku tirhisa swiyimo leswi faneleke swa mavandla ya nhlayiso laya nyikaka nhlayiso, ku pfuxa hi vuntshwa no olovisa vaaki na miehleketo eka mbango wa vanhu lowu hlayisekeke.
Vadyuharhi va fanele ku tiphina hi timfanelo ta ximunhu na masungulo ya ntshuxeko loko va tshama eka vutshama byihi na byihi, xitirhisiwa xa nhlayiso na vutshunguri, ku katsa nhlonipho lowu heleleke wa mfanelo wo teka xiboho hi vuhlayiseki bya vona na nkoka wa vutomi bya vona.
